Sankt-Peterburgda xaridor iPhone 6S’ni ushlab ko‘rishni so‘radi va uni sovun bilan almashtirib qo‘ydi

Rossiyaning Sankt-Peterburg shahridagi Savushkina ko‘chasida joylashgan telefon do‘konlaridan birida 42 yoshli erkak iPhone 6S smartfonini ushlab ko‘rishni so‘radi va uni sovun bilan almashtirib qo‘ydi. Bu haqda TJournal xabar bermoqda .

Foto: TJournal

Hodisa 2-oktabr kuni sodir bo‘ldi. Petrozavodsk fuqarosi telefon do‘koniga kirib, 32 yoshli ayol sotuvchidan iPhone 6S’ni ushlab ko‘rishni so‘radi. Smartfon peshtaxtada bo‘lmagani sabab sotuvchi qurilmani qutisi bilan olishga majbur bo‘ldi.
Erkak smartfon va uning aksessuarlarini ko‘rib chiqquniga qadar ayol sotuvchi biroz chalg‘idi va xaridor sezdirmasdan xuddi shunday iPhone 6S qutisini ichida sovuni bor quti bilan almashtirib qo‘ydi.
Shundan so‘ng erkak go‘yoki pasportini mashinada qoldirganini esladi va do‘konni tezda tark etdi. Xaridor Sankt-Peterburgning boshqa hududidagi bozorlardan biriga yo‘l olib, iPhone 6S’ni sotib yubormoqchi bo‘ldi.
Tez orada jinoyatchi qo‘lga olindi. U smartfonlarni almashtirganini tan oldi va shahardan chiqmaslik haqida tilxatga qo‘l qo‘ydi.
42 yoshli erkakka nisbatan tovlamachilik yuzasidan jinoyat ishi ochildi.
Batafsil | Подробно | Read more... Daryo