AQSh Rossiyaga kreditlar ajratilishiga qarshi ovoz beradi

AQShning turli moliyaviy tuzilmalar, shu jumladan, Xalqaro valyuta jamg‘armasidagi vakillari 2017-soliq yilida Rossiyaga kreditlar ajratilishiga qarshi ovoz beradi. Bu haqda Amerika ma’muriyati vakili 27-sentabr kuni prezident Barak Obama tomonidan imzolangan memorandum nashr etilishi munosabati bilan “TASS” muxbiriga ma’lum qildi . Gap, shuningdek, madaniyat va ta’lim sohalaridagi hamkorliklarni cheklash haqida ham bormoqda.

Foto: “112.ua”

Ushbu hujjat, Vashington fikricha, odam savdosiga qarshi kurash bo‘yicha yetarlicha harakat qilmayotgan mamlakatlarga qarshi choralar ko‘rilishini nazarda tutadi.
Ma’muriyatdagilar aniqlik kiritishicha, prezident AQSh boshqa davlatlarga gumanitar bo‘lmagan xususiyatli yordam ko‘rsatmasligi haqida qaror chiqarishi yoki xalqaro moliya tashkilotlaridagi AQShlik ijrochi direktorlarga belgilangan mamlakatlar ehtiyojlari uchun kredit taqdim etilishi yoki mablag‘ ajratilishiga qarshi ovoz berish yoki bunga turli yo‘llar bilan qarshilik ko‘rsatish majburiyatini yuklashi mumkin.
2016-yilda, memorandumga ko‘ra, ro‘yxatga Zimbabve, Eron, KXDR, Rossiya va Eritreya kirdi. Ushbu me’yor boshqalar qatorida Xalqaro valyuta jamg‘armasiga ham tegishli bo‘lib, butun 2017-moliya yili davomida amal qiladi.
Batafsil | Подробно | Read more... Daryo