Lionel Messi futbolchilik faoliyatini “Nyuellz Old Boyz” klubida yakunlamoqchi

“Barselona” jamoasi hujumchisi Lionel Messi kataloniyaliklar bilan yangi shartnomasida o‘zining birinchi klubi – “Nyuellz Old Boyz”ga ketish imkonini beruvchi bandni kiritilishini istamoqda, deb ma’lum qildi iSport.

Foto: Getty

Messi yoshligida Argentinaning “Nyuellz Old Boyz” klubida to‘p surgan. “Barselona” tizimiga esa hujumchi 13 yoshida kelgan.
Xabarda qayd etilishicha, ayni damda Messi “Barselona” bilan kelishuvini uzaytirish borasida muzokaralar olib bormoqda. Tomonlar shartnomaning moliyaviy shartlari bilan deyarli kelishib oldi, ammo argentinalik futbolchi o‘zi istagan vaqtda “Barselona”ni tark etib, “Nyuellz Old Boyz” o‘tish imkonini beruvchi band kiritilishini xohlayapti.
Hozirda Lionel Messi “Atletiko”ga qarshi ( 1:1 ) Ispaniya chempionati 5-turida olgan jarohatidan tiklanmoqda. 29 yoshli forvard 19-oktabr kuniga belgigangan “Manchester Siti”ga qarshi YChL guruh bosqichi 3-turida maydonga qaytishi kutilmoqda .
Joriy mavsumda Messi “Barselona”ning barcha turnirlarida sakkiz o‘yinida maydonga tushib, sakkizta gol va beshta golli uzatmaga mualliflik qildi.
Batafsil | Подробно | Read more... Daryo