Bloger dunyodagi barcha aeroportlarning Wi-Fi tarmoqlari parollarini bitta xaritaga joyladi

Trevel-bloger va axborot xavfsizligi muhandisi Anil Polat dunyodagi barcha aeroportlarning Wi-Fi tarmoqlari parollari ko‘rsatilgan interaktiv xarita yaratdi. Bu haqda “Fishki.net” xabar bermoqda .

Foto: “Fishki.net”

U o‘z sayti tashrifchilaridan loyihada ishtirok etishni hamda o‘zlariga ma’lum tarmoqlar haqida ma’lumotlar yuborishni so‘radi. Yaqinda xarita telefon dasturi shaklida ham chiqarildi. Bloger Twitter orqali ushbu dastur uchun ko‘plab minnatdorliklar olmoqda, deb ta’kidlanadi xabarnomada.

Foto: “Fishki.net”

Foydalanuvchi konkret aeroportni tanlab, u yerdagi tarmoqlarning parollari haqida ma’lumot olishi mumkin. Bundan tashqari, tarmoq qaysi hududlarda yaxshiroq ushlashi, bir necha tarmoqning qay biri yaxshiroq ishlashi haqida qo‘shimcha ma’lumot ham keltiriladi.
Hozircha xaritada O‘rta Osiyo aeroportlari haqida hech qanday ma’lumot yo‘q.
Batafsil | Подробно | Read more... Daryo