BMT bosh kotibi Asadni 300 mingdan ziyod kishining o‘limida aybladi

BMT bosh kotibi Pan Gi Mun Suriya prezidenti Bashar Asadning xatolari tufayli 300 mingdan ortiq kishi halok bo‘lganini ma’lum qildi, deb yozadi “Interfaks”.

Foto: Reuters

“U o‘zini yetakchi sifatida namoyon eta olmagani sababli, shunchalik ko‘p kishilar halok bo‘lgani rost. 300 dan ziyod kishi nobud bo‘ldi”, — dedi bosh kotib Germaniya teleradiokompaniyasi savoliga javob berar ekan.
Shu bilan birga, bosh kotib AQSh davlat kotibi Jon Kerri va Rossiyani “hayot uchun zarur gumanitar yordamni yetkazish mumkin bo‘lishi uchun, Suriyada o‘t ochishni to‘xtatish rejimini qayta tiklash”ga chaqirdi.
“Biz qamal qilingan yoki olis tumanlardagi kamida 5 million kishi uchun yordam yetkazib berishimiz kerak”, — deya aniqlik kiritdi u.
Aleppodagi vaziyat haqida gapirar ekan, Pan Gi Mun BMT ushbu muammoni hal etishga avvalroq kirishishi kerak bo‘lganini tan oldi. Shu bilan birga, u Suriyadagi yarashuv rejimi barbod bo‘lgani yuzasidan aybni hech kimning bo‘yniga qo‘yib o‘tirmadi.
Batafsil | Подробно | Read more... Daryo