Jammu va Kashmirda terrorchilar armiya kolonnasiga uyushtirgan hujumda 9 kishi jarohatlandi

Hindistonning Jammu va Kashmir shtatida armiya kolonnasiga terrorchilar guruhi uyushtirgan hujum tufayli harbiy xizmatchi va 8 nafar fuqaro jabrlandi. Bu haqda “TASS” xabar bermoqda . 

Foto: NDTV

NDTV telekanaliga ko‘ra, terakt Shopian shahrida sodir etilgan. Terrorchilar armiya kolonnasiga granatalar uloqtirdi, biroq harbiy xizmatchilar orasida faqat bir kishi jarohat oldi. Yaralanganlarning aksariyati tasodifiy o‘tkinchilardir. 
Bu jangarilarning Kashmirda ikki kun mobaynidagi ikkinchi hamlasi: oldinroq ekstremistlar shtat poytaxti Srinagardan 15 kilometr uzoqlikdagi tadbirkorlikni rivojlantirish institutiga hujum qilgandi. Jangarilarning politsiya bilan otishmasida bir necha kishi jabrlandi. 
Politsiya terrorchilarni qo‘lga olish yuzasidan operatsiya o‘tkazmoqda. 
Batafsil | Подробно | Read more... Daryo