Janubiy Koreya rasmiylari Galaxy Note 7 smartfonlari xavfsizligi masalasida tekshiruv boshladi

Janubiy Koreya hukumati Samsung Electronics kompaniyasi tomonidan ishlab chiqarilgan Galaxy Note 7 smartfonlari xavfsizligi masalasida tekshiruv boshladi. Bu haqda Koreya texnologiyalar va standartlar agentligi (KATS) vakili ma’lum qildi, deya xabar beradi “TASS”. 

Foto: AP

“Tekshiruv Galaxy Note 7 telefonlarida akkumulyatordagi muammolar tufayli alangalanish yuzasidan ko‘p sonli murojaatlardan so‘ng boshlandi. Shunday harakatlar AQSh va Tayvan rasmiylari tomonidan ham amalga oshirildi”, — deya ta’kidladi KATS vakili. 
Vakilga ko‘ra, tekshiruv yakunlari bo‘yicha mazkur smartfonlarni qaytarib olish talab etilishi yoki yo‘qligiga aniqlik kiritiladi. 
Oldinroq Samsung Electronics butun dunyo bo‘ylab Galaxy Note 7 smartfonlari sotuvi va almashtirilishi to‘xtatilishini rasman e’lon qildi. Kompaniya mazkur model egalaridan qurilmalarini o‘chirib qo‘yish va kelgusi bildiruvga qadar foydalanmaslikni iltimos qildi. 
Batafsil | Подробно | Read more... Daryo