Mikroto‘lqinli pechda nimalarni isitish mumkin emas?

1945-yil 8-oktabrda mikroto‘lqinli pech patentlandi. O‘shandan buyon tezkorlik bilan taom tayyorlash yoki isitish imkoniyatiga egamiz. Ammo ba’zi narsalarni mikroto‘lqinli pechga qo‘ymagan ma’qul. Bular haqida “AiF” batafsil ma’lumot berdi .

Foto: “AiF”

Metall idishlar
Metall idish mikroto‘lqinlarni o‘tkazmaydi, u pechni buzgani qoladi, xolos. Yagona istisno — ochiq alyuminiy taglik, unda ovqat isitish mumkin.
Shuningdek, xrustal idishni ham bunday pechga qo‘yib bo‘lmaydi (uning tarkibida metallar — qo‘rg‘oshin, kumush bor), yengil shisha idish esa pechda erib ketishi mumkin.
Rasmli idishlar
Gap shundaki, idishlarga rasm chizishda ishlatiladigan bo‘yoqlarda ko‘pincha metallar mavjud bo‘ladi.
Germetik idishlar
Ovqat tayyorlash va isitishda plastik konteynerlar qopqog‘ini ochib qo‘ying. Mahsulotlarni germatik o‘ramda mikroto‘lqinli pechga solib bo‘lmaydi.
Qobiq ichidagi yeguliklar
Xom tuxum (qobiqli), konserva bankasi (ochig‘ini ham, yopig‘ini ham) mikroto‘lqinli pechda pishirib yoki isitib bo‘lmaydi.
Qatiq mahsulotlari
Mikroto‘lqinli pechda isitish chog‘ida ularning tarkibidagi foydali baktriyalarga zarar yetadi, qatiqning o‘zi esa tvorogga aylanib qoladi.
Folga va oziq-ovqat plyonkasi
Taomlarni ularga o‘ragan holda isitib bo‘lmaydi. Sababi, folga — metall bo‘lgani uchun mikroto‘lqinlarni o‘tkazmaydi, plyonka esa shunchaki erib ketadi.
Asal
Mikroto‘lqinli pechda asal o‘z foydali xususiyatlarni shu ondayoq yo‘qotadi.
Tovuq va qo‘ziqorin
Ko‘p miqdorda oqsilga ega bo‘lgan mahsulotlarni mikroto‘lqinli pechda qizdirish tavsiya etilmaydi. Avstraliyalik olimlar bunda oqsil molekulalari duxovka yoki tovada isigandagiga nisbatan tezroq parchalanishini isbotladi.
Batafsil | Подробно | Read more... Daryo