O‘zbekistonlik san’atkorlar orasida birinchilardan bo‘lib “Istiqlol” san’at saroyida bir yilda ikki marta konsert dasturini taqdim etayotgan xonanda Jahongir Otajonov konsertoldi matbuot anjumanini o‘tkazdi. Yoshlar ijod saroyida bo‘lib o‘tgan anjumanda 40 ga yaqin OAV vakillari, xususan, jurnalist Feruz Muhammad ham ishtirok etdi.
Foto: “Daryo”
Avvalroq Jahongir Otajonov ushbu matbuot anjumanida keyingi konsertini 2017-yil mart oyida taqdim etishni, undan keyin esa har to‘rt oyda bir marta konsert berishni niyat qilgani haqida xabar berilgan edi .
Shuningdek, xonanda to‘ylardagi xizmati uchun nega katta gonorar so‘rashi, konsertdan foyda olish-olmasligi haqidagi savollarga ham batafsil javob qaytargan edi. Otajonovga, shuningdek, duetlar masalasida ham savol bilan murojaat qilishdi.
— Har bir ijodkorning duet aytgisi keladi, — dedi Jahongir Otajonov. — Ikki yilcha ilgari Shahzoda bir odam orqali men bilan duet qo‘shiq aytish taklifini qilgan ekan. Shahzodaning mavqei, shou-biznesdagi o‘rni yuqori, ko‘chada meni kimdir tanimasligi mumkin, ammo Shahzodani albatta tanishadi. Biroq u bilan yo‘nalishimiz har xil, shuning uchun men bu taklifga javob bera olmadim. Shahzoda bilan duet aytsam, meni yanada tanilardim, bu yaxshi natija berishi mumkin edi. Biroq tanilish uchun ijod qilinmaydi. Uning yo‘nalishi boshqa, mening yo‘nalishim boshqa. Shahzoda bilan qo‘shiq kuylagan taqdirimda ham, bu qo‘shiq chiroyli bo‘lmasdi, deb o‘yladim.
Undan avvalroq Feruza Jumaniyozovaga o‘zim taklif bilan chiqqanman, ammo uning onasi: “Qani, qo‘shig‘ingni eshitib ko‘raylik-chi?!”, degani uchun, duet bo‘lmadi. Men ham uncha-muncha qo‘shiqni kuylamayman, shu vaqtgacha ijodga yengil yondashmaganman. Gaplari menga og‘ir botdimi, ishqilib, Feruza Jumaniyozova bilan ham duet kuylamadik.
Bundan o‘n yillar oldin “Kamolot”ning tadbirida qatnashish uchun Sevara Nazarxon bilan birga ancha yo‘l yurganmiz. O‘shanda Sevaraga ham duet kuylash taklifini qilganman. Biroq, o‘ylashimcha, u bilan kuylagan duetimiz ham ko‘ngildagidek chiqmagan bo‘lardi. Gulsanam Mamazoitovaga duet aytishni taklif qilganman, kelishganmiz, ammo o‘zimning aybim bilan bu ham oxiriga yetmay qolgan. Sogdiana bilan ham duet qilmoqchi bo‘lgandik, afsuski, bu ish ham o‘xshamagan.
Jahon estradasida juda mukammal duetlar bor. Biz ham bemalol ular darajasida ijod qilishimiz mumkin. Duet qo‘shiqni bir tomonning taklifi bilan yaratib bo‘lmaydi, duetdoshda ham fikr bo‘lishi kerak. Men qo‘shiq yozib: “Mana bunday aytasiz”, deganim bilan, bu duet bo‘lmaydi: kimdir qo‘shiq tayyorlasa, boshqa biri uni faqatgina kuylasa — bu duet emas, balki ikki alohida xonandaning qo‘shig‘i bo‘ladi, xolos.
Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo
Related News
Top News
-
Samarqandda haydovchidan pora so‘ragan YPX xodimlari ishdan bo‘shatildi.
Ularning rahbarlariga nisbatan intizomiy ta’sir choralari qo‘llangan..
-
Toshkentda sovuq qutili aravalarda sotilayotgan muzqaymoqlar bo‘yicha reyd o‘tkazildi.
Sanepidqo‘m Toshkent shahar boshqarmasi ko‘chalarda g‘ildirakli aravalarda muzqaymoqlar sotilishida sanitariya talablariga rioya etilishi holati...
-
Toshkentda qum-shag‘al qazib olayotgan 9 kishiga 230 mln so‘m jarima belgilandi.
Toshkent shahrida qum-shag‘al qazib olayotgan 9 nafar fuqaro 230 million so‘m to‘laydigan bo‘ldi. Bu haqda Ekologiya vazirligi xabar berdi. .
-
Abdulla Aripov Qambarota GESi haqida: “Bu O‘zbekiston uchun strategik loyiha”.
O‘zbekiston, Qirg‘iziston va Qozog‘iston ishtirokida Qirg‘izistonda quriladigan 1860 megavattlik Qambarota GESi qiymati 2,9 mlrd dollarni tashkil...
-
Shavkat Mirziyoyev raisligida Xorijiy investorlar kengashi yalpi majlisi bo‘lib o‘tadi.
Tadbirda yetakchi kompaniya va banklar, nufuzli xalqaro tashkilotlar va moliyaviy institutlar vakillari ishtirok etadi..
-
Toshkentda Qirg‘iziston elchixonasining yangi binosi ochildi.
Ikki mamlakat bosh vazirlari ramziy tasmani kesib, Qirg‘iziston diplomatik vakolatxonasi binosini ochib berdi..