Tojikiston bosh prokuraturasi: Abduhalim Nazarzoda besh yil davomida isyonga tayyorgarlik ko‘rgan

Tojikiston mudofaa vazirining sobiq o‘rinbosari Abduhalim Nazarzoda besh yil davomida isyon ko‘tarishga tayyorgarlik ko‘rgan. Bu haqda mamlakat bosh prokuraturasi ma’lumotlariga tayanib, “Kommersant.ru” xabar bermoqda .

Foto: “Catoday.org”

“2010-yildan 2015-yil avgustiga qadar Nazarzoda Islom uyg‘onishi partiyasi raisi Muhiddin Kabiriy boshchiligida jinoiy hamjamiyat tuzish maqsadida birlashgan tojik muxolifatining sobiq jangarilariga tergov uchun hozircha noma’lum manbalardan 400 dan 600 somoniygacha to‘lab kelgan. Shu yillar davomida har biri 30 kishidan iborat 20 dan ziyod jinoiy guruhlar tuzilgan, ularning a’zolari soni 300 kishi atrofida bo‘lgan”, — deya ma’lum qilinadi Tojikiston davlat televideniyesida namoyish etilgan bosh prokuratura reportajida.
Eslatib o‘tamiz, Tojikiston Ichki ishlar vazirligi 16-sentabr, chorshanba kuni isyonchi general Abduhalim Nazarzoda o‘ldirilganligini rasman tasdiqladi .
Batafsil | Подробно | Read more... Daryo