Aleksandr Bubnov: O‘zbekiston bejizga FIFA reytingida Rossiyadan o‘zib ketmadi

Yaqin o‘tmishning taniqli futbolchilaridan biri Aleksandr Bubnov Rossiya termasining FIFA reytingida pastlashiga va JCh—2018 turniridagi imkoniyatlari haqida o‘z munosabatini bildirdi. Bu haqda “Chempionat” xabar bermoqda .

Foto: “Sportbox.ru”

“Rossiya termasi FIFA reytingida yana bir necha pog‘ona yo‘qotib, hatto O‘zbekiston terma jamoasini oldinga o‘tkazib yubordi. Bu bejizga emas, axir O‘zbekistonning rivojlanayotgani yaqqol ko‘rinib turibdi. Islandiya va Ozarbayjon kabi mamlakatlarning ko‘rsatayotgan natijasi futbol darajasi kuchayib borayotganidan dalolat va istalgan raqib bilan o‘yinda ochko yo‘qotish mumkin.
Raqibga hech qachon past baho berish kerak emas. Rossiya termasi ham buni yodda saqlashi kerak. So‘nggi o‘yinlar har qanday terma jamoa yirik musobaqaning final bosqichiga chiqa olishini namoyish qilmoqda. Bu ishni Uels va Islandiya uddalashi mumkin, ammo Rossiya uchun bu hamon qiyin vazifa”, – dedi Bubnov.
Avvalroq Rossiya terma jamoasi o‘z tarixida ilk marotaba 52-pog‘onaga tushib ketishi, O‘zbekiston terma jamoasi esa FIFA reytingi tarixida birinchi marta Rossiyadan o‘zib ketishi kutilayotgani haqida xabar berilgandi .
Ma’lumot uchun, FIFAning yangilangan reytingi 20-oktabr kuni rasman e’lon qilinadi.
Batafsil | Подробно | Read more... Daryo