O‘zbekistonning tog‘li hududlarida 14-oktabrga o‘tar kechasi havo harorati -2 darajagacha soviydi

O‘zbekistonning tog‘li hududlari va Farg‘ona vodiysi viloyatlarida 14-oktabr, juma kuni kuchli yomg‘ir va shamol bo‘lishi ehtimoli bor. Bu haqda “O‘zgidromet” markazi xabar bermoqda .

Foto: Jamshid Norqobilov / O‘zA

Xabar berishlaricha, 14-oktabrga o‘tar kechasi O‘zbekistonning tog‘li hududlarida havo harorati -2…+3 daraja, Qoraqalpog‘iston Respublikasi va Xorazm viloyatida +1…+6 daraja, Toshkent shahrida +5…+7 daraja, Buxoro, Navoiy, Toshkent, Samarqand, Jizzax, Sirdaryo viloyatlarida +5…+10 daraja, Farg‘ona vodiysi viloyatlarida +8…+13 daraja, Qashqadaryo va Surxondaryo viloyatlarida +10…+15 daraja iliq bo‘lishi kutilmoqda.
14-oktabr kuni kunduzi mamlakatning tog‘li joylarida havo harorati +3…+8 daraja, Qoraqalpog‘iston Respublikasi, Xorazm viloyati, Toshkent shahrida +10…+15 daraja, Buxoro, Navoiy, Toshkent, Samarqand, Jizzax, Sirdaryo, Andijon, Namangan, Farg‘ona viloyatlarida +13…+18 daraja, Qashqadaryo va Surxondaryo viloyatlarida +19…+24 darajagacha iliq bo‘ladi.

Foto: “Daryo”

“O‘zgidromet” axborotiga ko‘ra, 14-oktabrga o‘tar kechasi va 14-oktabr kuni kunduzi O‘zbekistonning tog‘li hududlari va Farg‘ona vodiysi viloyatlarida kuchli yog‘ingarchilik bo‘lishi, shamolning tezligi soniyasiga 20 metrgacha kuchayishi mumkin.
Batafsil | Подробно | Read more... Daryo