Buvisining sog‘lig‘idan xavotir olgan amerikalik uning uyiga pitssa buyurtirish orqali, ahvolini tekshirdi

AQShning Nebraska shtati Omaxa shahrida yashovchi Erik Olsen AQShning boshqa shahrida istiqomat qiladigan buvisining uyiga pitssa buyurtirdi, deb yozadi TJournal. Shu tariqa, erkak kampirning ahvoli joyida ekanligi va “Mettyu” dovulidan jabrlanmaganiga ishonch hosil qilmoqchi bo‘ldi.

Foto: TJournal

Olsen uzoq vaqt davomida 87 yoshli buvisi bilan aloqaga chiqa olmagan. Ayol dovuldan kuchli zarar ko‘rgan Florida shtatidagi Palm-Kost shahrida yolg‘iz yashaydi.
Buvisi bilan bog‘lanishda politsiya mahalliy bo‘limi va yong‘in soqchiligi yordam bera olmagach, buvisining sog‘lig‘idan xabar topish maqsadida, uning uyiga pitssa buyurtirdi. Pitssa yetkazish xizmatiga o‘z telefon raqamini berib, buyurtma yetkazilganda unga qo‘ng‘iroq qilishlarini so‘radi. Kuryer uning topshirig‘ini bajarib, qarindoshlarni telefon orqali suhbatlashtirdi.
Kampir ahvoli joyida ekanligini aytib, nabirasiga pitssa uchun minnatdorlik bildirdi.
Batafsil | Подробно | Read more... Daryo