Jurnalist qiz bir hafta davomida dinozavr dumi bilan yurdi va tushkunlikka tushib qoldi

Jezebel nashri muharriri Joanna Rotkopf tajriba tariqasida bir hafta dinozavrning baxmal dumini ulab olib yurdi. Biroq bu mashg‘ulot unga hech qanday quvonch keltirgani yo‘q, deya xabar bermoqda Meduza.
“Avgust oyi oxirida Asos internet-do‘konida dinozavr dumi savdoga chiqarildi. Bu yangilik Jezebel xodimlari juda qiziqtirib qo‘ydi. Bunday mahsulotni sotishdan nima naf? Kim ko‘chada dum bilan yuradi? Esimda, bu savolga hazillashib ‘Men’ deb javob bergandim”, — deb yozadi Joanna.

Foto: Twitter / @joannarothkopf

Rotkopf faqat tunda yechib qo‘yishini aytib, bir hafta davomida dum bilan yurishga hamkasblari bilan kelishib oladi. Uning so‘zlariga ko‘ra, bir metr dum bilan eng qiyin ish —metroda yurish, hojatxonaga qatnash va qulayroq o‘tirib olishdir.
Jurnalist qiz tajribaning uchinchi kuni ko‘chaga chiqishni va jamoat joylariga borishni xohlamay qolgan, vaholanki, ko‘chadagilar uning dumiga juda bir xotirjam munosabatda bo‘layotgan yoki bunga umuman e’tibor bermayotgan edi.
Tajriba kunlarining birida, u qallig‘ining ota-onasi bilan birga tushlik qilgan. “Qallig‘imning otasi ‘Bir kun kelib shu qilgan ishing uchun juda noqulay ahvolga tushasan’, deb ta’kidladi. U o‘sha kelib bo‘lganini hali bilmasdi”, — deydi Rotkopf.
Oxir-oqibat jurnalist qizning tan olishicha, bu tajriba mutlaq ahmoqona ham bema’ni bo‘lib chiqqan va uning o‘ziga qisqa muddatli tushkunlik hamda bir juft qiziqarli hodisadan ortiq, hech nima bermagan.



Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo