Obama: agar Tramp prezident bo‘lsa, AQSh o‘tgan yillardagi barcha yutuqlaridan ayriladi

AQSh prezidenti lavozimiga Respublikachilar partiyasidan nomzod Donald Tramp g‘alaba qozonsa, AQSh o‘tgan yillarda erishgan yutuqlarining barchasidan ayriladi. Bu haqda Oq uy rahbari Barak Obama Ogayo shtati Klivlend shahrida Trampning raqibi — sobiq davlat kotibi Hillari Klintonni qo‘llab-quvvatlab so‘zlagan nutqida aytib o‘tdi, deb yozadi “TASS”.

Foto: AP

“Tramp saylangan taqdirda, o‘tgan sakkiz yil ichida erishilgan natijalarning barchasi yo‘qotiladi, — dedi Obama. — Agar biz to‘g‘ri tanlovni amalga oshirmasak, erishilgan butun progress puchga chiqadi”.
Obama Tramp mamlakatning demokratik siyosiy tizimi uchun xavf tug‘dirishi mumkinligini ta’kidladi. U, shuningdek, respublikachilarni o‘z nomzodini qo‘llab-quvvatlashda davom etayotgani uchun tanqid qildi.
Obama milliarderning saylovlar unga qarshi soxtalashtirilishi mumkinligi haqidagi gaplarini ham tanqid ostiga oldi.
Prezident, shuningdek, Trampning saylovda g‘olib chiqsa, Amerika ishchi sinfini qo‘llab-quvvatlash rejalari haqidagi nutqini ham tanqid qildi.
Batafsil | Подробно | Read more... Daryo