Kolumbiya terma jamoasining sobiq futbolchisi 1 kg kokain bilan qo‘lga tushdi

Futbol bo‘yicha Kolumbiya terma jamoasining sobiq a’zosi Diyego Osorio 1 kilogramm giyohvand modda – kokain bilan qo‘lga tushdi, deb xabar bermoqda “TASS”.

Foto: Google Images

Kolumbiya politsiyasi Osorioni mamlakatning Rionegro shahri aeroportada, u 1 kilogramm 145 gramm kokain bilan Ispaniyaga uchib ketmoqchi bo‘lganida qo‘lga oldi.
Politsiyaning ma’lum qilishicha, sobiq futbolchi qiymati 40 ming yevroga teng giyohvand moddani tanasiga yopishtirib olgan edi.
Qayd etish joiz, Diyego Osorio 2002 va 2010-yillarda AQShda kokainni noqonuniy ravishda saqlash va sotish yuzasidan muammolarga duch kelgan.
Ma’lumot o‘rnida, Diyego Osorio futbolchilik faoliyati davomida mamlakat termasi safida 1991 va 1993-yillarda Amerika Kubogida ishtirok etgan. Shuningdek, u “Independyente” (Medelyin), “Atletiko Nasyonal” va “Sante-Fe” klublarida to‘p surgan.
Batafsil | Подробно | Read more... Daryo