Turkiyada daydi itlar yo‘l yoqasida turgan mashinaning dabdalasini chiqardi

Turkiyalik avtomexanik Kem Akar ertalab ishga kelib, u do‘kon oldida qoldirgan mashinaga jiddiy zarar yetkazilganini ko‘rdi. Meduza’ning yozishicha , avtomexanik bu ishni mashinani olib qochishga uringan omadsiz o‘g‘ri qilgan degan xayolda politsiya chaqirgan.
Biroq keyinroq Akar videokuzatuv kamerasi yozuvlarini ko‘rib chiqqan. Ma’lum bo‘lishicha, mashinani taxmin qilinganidek o‘g‘ri emas, balki daydi itlar yaroqsiz holga keltirgan. Qandaydir sabab bilan o‘nga yaqin it avtomobil atrofida to‘planib, uni tishlashga, bo‘laklarga bo‘lishga va bamperini uzib olishga kirishgan.



Avtomexanikning taxminiga ko‘ra, itlar mashinaning ostki bo‘lmalariga yashirinib olgan mushukni tutishga uringan. Biroq o‘zi videoyozuvda hech qanday mushukni ko‘rmagan. Avtomobilni ta’mirlash uchun u qariyb 5 ming turk lirasi (taxminan 1,6 ming dollar) sarflagan.
Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo