Osiyo Chempionati—U19. O‘zbekiston ilk uchrashuvda Tojikiston ustidan irodali g‘alabaga erishdi

Bahrayn mezbonlik qilayotgan yoshlar o‘rtasidagi Osiyo Chempionatini O‘zbekiston termasi irodali g‘alaba bilan boshladi. “D” guruhining 1-turi doirasida Tojikistonga qarshi saf tortgan Jasur Abduraimov boshqaruvidagi jamoa 2:1 hisobida ustun keldi.

Foto: OFK matbuot xizmati

Hisob birinchi bo‘limda tojikistonlik futbolchilar tomonidan ochilgan bo‘lsa, ikkinchi 45 daqiqalikda o‘zbekistonliklar 2 ta gol urishga erishdi. Bu yo‘lda Jasur Abduraimov ikkinchi bo‘lim boshidanoq 3 ta o‘zgarishga qo‘l urdi va o‘yinning borishini o‘zgartirib yubordi. Zaxiradan maydonga tushgan futbolchilardan biri hisob tenglashtiruvchi golga mualliflik qildi.
“D” guruhining ikkinchi o‘yini 15-oktabr, Toshkent vaqti bilan 21:30 da start olib, Avstraliya va Xitoy yoshlari o‘zaro kurash olib boradi.
Ma’lumot uchun, turnir yarim finaliga qadar yetib borgan to‘rtta mamlakat termalari 2017-yil Janubiy Koreyada bo‘lib o‘tadigan Jahon Chempionatida ishtirok etadi.
Osiyo Chempionati—U19
“D” guruhi. 1-tur
15-oktabr, shanba
O‘zbekiston — Tojikiston 2:1
Gollar: Karomatullo Saidov, 19 (0:1). Saidjamol Davlatjonov, 68 (1:1). Jasur Yaxshiboyev, 72 (2:1).
O‘zbekiston: Umid Ergashev — Hojiakbar Alijonov, Islom Qobilov, Xushnud Avilov, Aziz G‘aniyev, Sanjar Qodirqulov (Saidjamol Davlatjonov, 46), Jasur Yaxshiboyev, Sharof Muhiddinov, Oybek Rustamov, Bekzod G‘anijonov (Bobir Abdixoliqov, 46), Nurillo To‘xtasinov (Jamshid Yusupov, 46).

Foto: “Daryo”


Batafsil | Подробно | Read more... Daryo