Tramp Klintonga kelasi debatlardan oldin doping tekshiruvidan o‘tishni taklif qildi

AQSh prezidentligiga Respublikachilar partiyasidan nomzod Donald Tramp debatlardagi raqibi, Demokratik partiyadan nomzod Hillari Klinton yaxshi chiqish qilish uchun dopingdan foydalangan deb taxmin qildi. Shu munosabat bilan u Klintonga kelasi debatlardan oldin doping-testdan o‘tishni taklif etdi. Bu haqda CNN telekanali ma’lum qildi, deb yozadi “RBK”.

Foto: Global Look Press

Trampning ta’kidlashicha, Klinton o‘tgan yakshanbadagi debatlarning boshlanishida ko‘proq faol bo‘lgan, biroq uning oxiriga kelib ancha quvvatsizlangan. CNN’ning qo‘shimcha qilishicha, Tramp so‘zlarini isbotlovchi dalillar keltirmagan.
“Biz kelasi debatlardan avval doping nazoratidan o‘tishimiz kerak deb o‘ylayman. Chunki Klinton bilan nima yuz berayotganligini bilmayman. Oxirgi debatlarning boshida u xuddi doping qabul qilgandek edi, oxiriga kelib esa uni olib ketishlarini so‘raguday bo‘ldi. U mashinagacha zo‘rg‘a yetdi”, — dedi Tramp.
Klinton shtabi Trampning bu so‘zlarini saylovlar boshlanishiga bir necha hafta qolganida uni buzishga sharmandali urinish deb hisobladi.
Batafsil | Подробно | Read more... Daryo