Rio–2016 o‘yinlarida terakt uyushtirishda gumon qilingan mahbusni o‘lgunicha do‘pposlashdi

Braziliyadagi jazoni o‘tash muassasalaridan birida Rio–2016 Olimpiya o‘yinlarida terakt uyushtirishda gumon qilingan Valdir Pereyra de Roshani o‘lgunicha to‘pposlashdi. Bu haqda Folha de S.Paulo nashriga tayanib, “Korrespondent.net” xabar bermoqda .

Foto: CBN

Hodisa 14-oktabr kuni Varzea-Grandi shahridagi maxsus qo‘riqlanadigan qamoqxonada, de Rosha u yerga keltirilgan kunning ertasi sodir bo‘ldi. 36 yoshli braziliyalikni u bilan kamerada bo‘lgan boshqa mahbuslar do‘pposladi.
Shundan so‘ng u shifoxonaga yetkazildi va shifokorlar bosh miya o‘lganini qayd qildi.
Hozirda Valdir Pereyra de Rosha yurak faoliyatini sun’iy qo‘llab-quvvatlaydigan apparatga ulangan. Mahbusning qarindoshlari apparatning o‘chirilishiga rozilik bermadi.
Huquq-tartibot xodimlari bo‘lib o‘tgan voqea sabablarini o‘rganmoqda.
Batafsil | Подробно | Read more... Daryo