Rossiya dvigateli bilan jihozlangan raketa AQShning Cygnus kemasini orbitaga olib chiqdi

NASA Xalqaro koinot stansiyasiga (XKS) 2,3 tonnadan ortiq yuk yetkazishi lozim bo‘lgan Cygnus yuk kemasi muvaffaqiyatli orbitaga chiqarilganini ma’lum qildi. Bu haqda “Vedomosti” xabar bermoqda .

Foto: NASA

Cygnus orbitaga Rossiyaning RD-181 dvigateli bilan jihozlangan Antares 230 tashuvchi raketasi yordamida chiqarildi. Stansiyaga tutashuv va yuklarni yetkazish missiyasi 6 sutkaga mo‘ljallangan. Ushbu dvigatellardan 8 tasi bo‘yicha shartnoma 2014-yil dekabrida imzolangan, kelgusi yil yozida esa ularning dastlabkilari AQShga yetkazib berilgandi.
“Parvoz muvaffaqiyatli kechishiga shubham yo‘q edi. Texnikamiz yana bir bor o‘zining ishonchli va samarali ekanligini ko‘rsatdi. Amerika tomonining e’tirozlari yo‘q”, — deya ta’kidladi Rossiyaning dvigatellar ishlab chiqaruvchi “Energomash” birlashmasi bosh direktori Igor Arbuzov.
Ma’lumot uchun, Cygnus koinot kemasining bundan avvalgi, 2014-yil oktabrida amalga oshirilgan parvozi omadsiz bo‘lgandi . 
Batafsil | Подробно | Read more... Daryo