Ronaldu bedavo xastalikka yo‘liqqan “Reynjers” afsonasini “Real” – “Legiya” uchrashuviga taklif qildi

Madridning “Real” jamoasi hujumchisi Krishtianu Ronaldu gollandiyalik sobiq futbolchi, yon amiotrofik sklerozga qarshi kurashayotgan Fernando Riksenni “Legiya”ga qarshi YChL 3-tur o‘yiniga taklif qildi, deb xabar bermoqda “Chempionat”.

Foto: Marca

Riksen 18-oktabr kuni “Santyago Bernabeu” stadionida bo‘lib o‘tadigan uchrashuvga kelishga rozilik berdi. Mazkur o‘yin Toshkent vaqti bilan soat 23:45 da start oladi.


Ronaldu Riksenga: “Real” o‘yiniga tushgingiz kelsa, shaxsan o‘zim sizga yordamchi bo‘laman


Bundan tashqari, Ronaldu bo‘lajak uchrashuvga “Milan” klubining sobiq hujumchisi Stefano Borgonovoning beva xotinini ham taklif qildi. Riksen singari yon amiotrofik skleroz bilan xastalangan italiyalik 2013-yilning iyun oyida ushbu kasallikdan vafot etgan.
“Men yon amiotrofik sklerozni yenga olgan birinchi inson bo‘lmoqchiman”, – dedi Riksen.


Krishtianu Ronaldu bedavo xastalikka yo‘liqqan “Reynjers” afsonasini qo‘llab-quvvatladi


Ma’lumot uchun, Riksen Shotlandiyaning “Reynjers” klubi tarkibida 188 ta, Gollandiya terma jamoasi tarkibida esa 12 ta o‘yin o‘tkazgan. Shuningdek, u 2006–2009-yillar davomida Sankt-Peterburgning “Zenit” klubi sharafini himoya qilgan.
Batafsil | Подробно | Read more... Daryo