UFC jangchisi MakGregorning murabbiyi Ronaldu yordamida Jennifer Lopes ishtirokidagi kechaga borganini ma’lum qildi

Irlandiyalik UFC jangchisi Konor MakGregorning murabbiyi Jon Kavana “Real” yetakchisi Krishtianu Ronaldu yordamida shogirdi bilan Jennifer Lopes ishtirokidagi kechaga borganini ma’lum qildi. Bu haqda “iSport.ua” xabar bermoqda .

MakGregor va Ronaldu. Foto: “iSport.ua”

“Kechaga borayotganimizda bu katta xato ekanini va soqchilar bizni u yerdan haydab yuborishini aytib kelayotgandik”, – dedi Kavana.
Ammo Kavana kechaga tashrif buyurganida Jennifer Lopesning iliq mehmondo‘stligidan hayratga tushdi. Uning so‘zlariga ko‘ra, taniqli xonanda MakGregor bilan raqsga tushdi. Kavana esa bu vaqt Ronaldu bilan suhbat qurgan edi.


Ronaldu qoidasiz janglar kurashchisi Konor Makgregor mashg‘ulotlariga tashrif buyurdi (foto)



Jon Kavana (chapda) va Konor MakGregor (o‘ngda). Foto: “iSport.ua”

“Biz Ronaldu bilan sport rejimi, mashg‘ulotlar va musobaqalarning ruhiy tomonlari haqida gaplashdik. U Konorga o‘xshagan yigit ekanini tushundim. Ular faqat bitta narsa haqida o‘ylaydi va boshqa narsa qiziqtirmaydi. Odamlar ularni mukkasidan ketgan deb o‘ylashi mumkin, ammo ular hech qachon Konor va Krishtianu darajasiga yeta olmaydi”, – dedi murabbiy.
Bundan tashqari, MakGregorning murabbiyi Ronaldu unga xedlok (aralash janglar san’atidagi boshni siqib oladigan usullardan biri)ni qo‘llaganini tan oldi.
Batafsil | Подробно | Read more... Daryo