Abdulaziz Kamilov Iordaniya bosh vaziri o‘rinbosari bilan uchrashdi

18-oktabr kuni O‘zbekiston Tashqi ishlar vaziri Abdulaziz Kamilov Islom hamkorlik tashkiloti Tashqi ishlar vazirlari kengashining 43-sessiyasida ishtirok etish uchun Toshkent shahriga kelgan Iordaniya Hoshimiylar Qirolligi bosh vaziri o‘rinbosari, Tashqi ishlar vaziri Naser Juda bilan uchrashdi. Bu haqda TIV matbuot xizmati xabar bermoqda .

Foto: TIV matbuot xizmati

Muloqot chog‘ida ikki va ko‘p tomonlama shakldagi, jumladan, IHT va BMT doirasidagi O‘zbekiston–Iordaniya munosabatlarning hozirgi holati va istiqbollari muhokama qilindi.
Suhbat chog‘ida siyosiy, savdo-iqtisodiy, madaniy-gumanitar va o‘zaro manfaat kasb etadigan boshqa sohalarda hamkorlikning aniq natijalariga erishishga ikki tomon ham tayyor ekanligi ta’kidlandi.
Uchrashuvda Iordaniya elchisi Solih Ahmad Al-Javarneh ishtirok etdi.
Batafsil | Подробно | Read more... Daryo