O‘zPFL Birinchi Ligada muxlislarni haqorat qilgan futbolchini jazoladi

O‘zbekiston Professional futbol ligasi Tartib-intizom qo‘mitasining navbatdagi yig‘ilishida qoidabuzar futbolchilarga nisbatan qarorlar chiqarildi. Bu haqda tashkilot rasmiy sayti xabar bermoqda .

Foto: “PFL.uz”

Xabar berishlaricha, futbol bo‘yicha O‘zbekiston Birinchi Ligasining 31-turidan o‘rin olgan “Kosonsoy” — “Uz-Dong-Ju” uchrashuvi yakunlanishiga yetti daqiqa qolganida mehmonlar himoyachisi Sharobiddin Sobirov muxlislarni haqorat qilgan va bu qilmishi uchun maydondan chetlatilgan.
Vaziyatni o‘rganib chiqqan O‘zPFL Tartib-intizom qo‘mitasi Sharobiddin Sobirovni Birinchi Liganing 3 ta o‘yiniga diskvalifikatsiya qilish haqida qaror qabul qilgan.
113 nafar tomoshabin guvohligi ostida o‘tgan o‘yinda futbolchi nima sababdan muxlislarni haqorat qilganiga aniqlik kiritilmagan. Sobirov chetlatilganidan so‘ng “Uz-Dong-Ju” yana bir gol o‘tkazib yuborgan va uchrashuv 3:1 hisobida “Kosonsoy” g‘alabasi bilan tugagan .
Qo‘mitaning avvalgi yig‘ilishida ham muxlislarni haqorat qilgan Birinchi Ligadagi boshqa bir futbolchiga nisbatan chora ko‘rilgan edi. Xabar berishlaricha , “Sementchi”ga qarshi 28-tur o‘yinida muxlislarni haqorat qilgani uchun maydondan chetlatilgan “Yozyovon-Lochinlari” himoyachisi Dilshod Eminov 4 ta o‘yinga diskvalifikatsiya qilingan edi.
Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo