Visente Del Boske Xitoy klubining 10 million yevro maosh to‘laydigan shartnomasiga e’tibor qilmadi

Ispaniya milliy terma jamoasi sobiq bosh murabbiyi Visente Del Boske dunyoning eng ko‘p maosh oluvchi beshinchi futbol mutaxassisiga aylanib olishi mumkin edi. Biroq u Xitoydan bo‘lgan 10 millionlik taklifga parvo ham qilmadi, deb yozdi “Chempionat”.

Foto: AS

“Ha, Xitoydan 10 millionlik taklif olganimni tasdiqlayman. Biroq menga Xitoy klubi taklif bilan chiqdimi yoki milliy terma jamoasi, tushunmay qoldim. To‘g‘risini aytganda, bu taklifga jiddiy ahamiyat ham bermadim”, — deb Del Boskening so‘zlaridan iqtibos keltirgan Sore radiosi.
Avvalroq Del Boskening xizmati bilan Xitoyning “Xebey Chayna Forchun” klubi qiziqayotgani xabar qilingandi. Bu klub avvalroq Manuel Pelligrini bilan ham hamkorlik qilgan.
Ma’lumot uchun, dunyoning eng serdaromad murabbiyi “Manchester Siti” klubi ustozi Pep Gvardiola bo‘lib turibdi . U jamoasidan yiliga 18,2 million yevro maosh oladi. “Bavariya” bosh murabbiyi Karlo Anchelottida esa bu ko‘rsatkich 15 millionni tashkil qiladi. Kuchli uchlikda “Yunayted” ustozi Joze Mourinyo 14,6 million yevrolik maosh bilan bormoqda.
Del Boskega taklif qilingan 10 milliondan ko‘proq topuvchi yana bittagina mutaxassis bor — Arsen Venger. Fransiyalik murabbiyning “Arsenal”dagi yillik daromadi 10,6 million yevroga teng.
Batafsil | Подробно | Read more... Daryo