Saudiyalik general Yaman bilan chegarada olgan jarohatlari tufayli vafot etdi

Saudiyalik general Umar Ibrohim Hamziy Yaman bilan chegarada olgan jarohatlari tufayli hayotdan ko‘z yumdi, deya xabar bermoqda “TASS” qirollik qurolli kuchlari qo‘mondonligiga tayanib.

Foto: Uazmi

“Yaman bilan chegaradagi Jizan provinsiyasiga ko‘chirib o‘tkazilgan 8-brigada qo‘mondoni o‘rinbosari general Umar Ibrohim Hamziy harbiy gospitalda olgan jarohatlari tufayli vafot etdi”, — deyiladi muassasa xabarida. Unda ta’kidlanishicha, ofitser 26-sentabr, shanba kuni Yaman chegarasi yaqinida “vatanini himoya qilayotib” yaralangan bo‘lgan.
Nashr eslatishicha, bu Yaman bilan chegaradagi operatsiyalarda qatnashgan saudiyalik yuqori martabali harbiyning o‘limi bilan bog‘liq ikkinchi hodisadir. Ikki kun avval xuddi shu hududda chegara qo‘shinlari polkovnigi mina portlashidan halok bo‘lgan edi.
Batafsil | Подробно | Read more... Daryo