Qiroli vafot etgan tailandliklarga qarshi JCh–2018 saralash o‘yinida Avstraliya muxlislariga xursand bo‘lmaslik tavsiya etildi

Avstraliya futbol federatsiyasi Tailand qirolining vafoti munosabati bilan mamlakat termasi muxlislariga JCh–2018 turniriga so‘nggi saralash bosqichi doirasidagi Tailand – Avstraliya o‘yinida har qanday xursandchilikni namoyish qilishdan o‘zini tiyishni tavsiya qildi, deb xabar bermoqda “TASS”.

Foto: EPA

Tailand qiroli Pxumipon Adulyadet 13-oktabr kuni vafot etdi . Uning munosabati bilan 14-oktabrdan mamlakatda 1 yillik motam e’lon qilindi.
Uchrashuv Tailand maydonida o‘tkazilishi sababli, avstraliyalik futbol ishqibozlariga bo‘lajak o‘yinda mahalliy an’analarga muvofiq o‘zini tutish qoidalari yozilgan tavsiyalar ro‘yxati berildi.
Tomoshabinlar naqshsiz va rang-barang bo‘lmagan kiyimlarda bo‘lishi kerak. Stadionga do‘mbira, bayroqlar, megafon, hushtak va bannerlar olib qilish taqiqlanadi.
Avstraliya futbol federatsiyasi, shuningdek, terma jamoa muxlislariga har xil hayqiriq va xursandchilikni namoyish qiladigan barcha xatti-harakatlarni amalga oshirmaslikka chaqirdi.
Tailand va Avstraliya terma jamoalari o‘rtasidagi uchrashuv 15-noyabr kuni Bangkok shahrida bo‘lib o‘tishi rejalashtirilgan.
Avvalroq qirolning o‘limi sabab Tailand termasi mundial yo‘lidagi Avstraliyaga qarshi o‘yinni o‘z maydonida o‘tkaza olmasligi haqida xabar berilgandi .
Batafsil | Подробно | Read more... Daryo