FIFA reytingida O‘zbekiston ayollar termasi ikki pog‘ona yuqoriladi

FIFA ayollar terma jamoalarining yangi reytingini e’lon qildi. Unga ko‘ra, O‘zbekiston ayollar terma jamoasi avvalgi oydagi egallab turgan o‘rnidan ikki o‘rin yuqorilagan holda jahon reytingida 43-pog‘onada, Osiyo qit’asi reytingida esa 9-o‘rinda bormoqda. Bu haqda O‘zbekiston futbol federatsiyasi matbuot xizmati xabar qilmoqda .

Foto: O‘FF matbuot xizmati

Osiyo qit’asi reytingini esa so‘nggi jahon chempionati finalchisi – Yaponiya terma jamoasi boshqarmoqda. Osiyoning eng kuchli jamoasi ayni damda reytingning 4-o‘rinda bormoqda. Qit’a reytingida Yaponiyadan keyingi o‘rinlarni KXDR (6), Avstraliya (9) hamda Xitoy (15) terma jamoalari egallab turibdi.
Ayollar terma jamoalari reytingini esa hamon amaldagi jahon chempioni AQSh terma jamoasi boshqarib turibdi. Kuchli uchlikdan, shuningdek, Germaniya hamda Fransiya terma jamoalari o‘rin olgan.
Osiyo qit’asi reytingida esa kuchli o‘nlik quyidagicha ko‘rinish olgan:
1. Yaponiya (4).
2. KXDR (6).
3. Avstraliya (9).
4. Xitoy (15).
5. Janubiy Koreya (17).
6. Tailand (29).
7. Vetnam (33).
8. Xitoy Taypeyi (37).
9. O‘zbekiston (43).
10. Myanma (47).
Jahon reytingining to‘liq ko‘rinishi bilan FIFA rasmiy saytida tanishish mumkin.
Batafsil | Подробно | Read more... Daryo