Yaponiyadagi istirohat bog‘ida ro‘y bergan portlash oqibatida bir kishi halok bo‘ldi, 3 kishi jarohatlandi

Yaponiyaning Utsunomiya shahridagi mahalliy aholi va xorijiy sayyohlar orasida mashhur bo‘lgan istirohat bog‘ida ro‘y bergan portlash oqibatida bir kishi halok bo‘ldi, uch kishi jarohatlandi. Bu haqda politsiya ma’lumotlariga tayanib, NHK telekompaniyasi ma’lum qildi, deya xabar beradi “Korrespondent.net”.

Foto: Twitter / @1ko2kosankon

Og‘ir jarohatlar olgan portlash qurbonining jasadi velosipedlar turargohi yaqinida topildi. Yana bir portlash birinchi hodisa joyidan 200 metr uzoqlikdagi avtomobilda ro‘y berdi.
Portlashlar sababi hozircha aniqlanmadi. Jabrlanganlardan biri og‘ir holatda ekanligi bildirilmoqda.
Tokiodan 100 kilometr uzoqlikda joylashgan istirohat bog‘idagi fojiali voqealar tufayli bu yerda festival o‘tkazilishi to‘xtatildi.
Batafsil | Подробно | Read more... Daryo