Rossiya havo desantchilari birinchi marta Afrikada desant tushirdi

Rossiya havo-desant qo‘shinlari (HDQ) Afrikada ilk bor beshta “BMD-2” desant jangovar mashinasi va bitta “BTR-D” zirhli transportyorini desant qilib tushirdi. “RBK” xabariga ko‘ra , desant tushirish “Il-76MD” samolyoti yordamida 600 metr balandlikdan turib amalga oshirilgan.

Foto: Rossiya Mudofaa vazirligi

Rossiya HDQ Misrda mahalliy armiya bilan hamkorlikda tashkil etilgan “Do‘stlik himoyachilari — 2016” aksilterror o‘quv-mashg‘ulotlari doirasida desant tushirgan. Ayni vaqtda, Misr harbiylari S-130 Hercules samolyotidan ikkita jipni desant qilib tushirgan.
Ma’lumot uchun, Misr va Rossiya harbiylarining birgalikdagi aksilterror o‘quv-mashg‘ulotlari 15-oktabr kuni boshlangan va 26-oktabrga qadar davom etadi.
Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo