Mariano Raxoy Ispaniya bosh vaziri lavozimiga nomzodini qo‘yishga rozi bo‘ldi

Ispaniya hukumati raisi vazifasini bajaruvchi Mariano Raxoy bosh vazir lavozimiga qayta saylanish uchun parlament quyi palatasi — Kongress deputatlari qo‘llab-quvvatlashiga harakat qilishga rozi bo‘ldi. Bu haqda u qirol Filipp VI bilan maslahatlashuvlaridan so‘ng ma’lum qildi, deya xabar beradi “TASS”. 

Foto: EPA

“Ispaniyaga imkon boricha tezroq hukumat kerak va men bu amalga oshishi uchun qo‘limdan kelganicha harakat qilaman. Qirol yana bosh vazirlikka nomzod bo‘lishni topshirdi va men bunga rozi bo‘ldim. Ispaniya oxirgi oylarda mamlakat tarixida misli ko‘rilmagan vaziyatni boshidan kechirmoqda. Hafta oxirigacha muloqot, o‘zaro hamfikrlilik va hamkorlik yordamida bunga chek qo‘yishimizga umid qilaman va ishonaman”, — deya ta’kidladi Raxoy. 
Ispaniyadagi siyosiy kuchlar 300 kundan oshiq vaqtdan beri hukumatni shakllantirish yuzasidan kelisholmayapti. Partiyalarda bosh vazirni tasdiqlash uchun 31-oktabrgacha muddat bor, aks holda, oxirgi yil mobaynida uchinchi yalpi saylovlar o‘tkazilishini e’lon qilishga to‘g‘ri keladi. 
Batafsil | Подробно | Read more... Daryo