27-oktabr kuni butun O‘zbekiston bo‘yicha havo harorati biroz ko‘tarilishi kutilmoqda

O‘zbekiston bo‘yicha 27-oktabr kuni faqat Qoraqalpog‘iston va Xorazmda yomg‘ir yog‘ishi ehtimoli bor. Bu haqda “O‘zgidromet” markazi xabar bermoqda .

Foto: “Gazeta.uz”

Xabar berishlaricha, 27-oktabrga o‘tar kechasi Qoraqalpog‘iston Respublikasi va Xorazm viloyatida -5…0 daraja, O‘zbekistonning tog‘li hududlarida havo harorati -3…+2 daraja, Toshkent shahrida +2…+4 daraja, Farg‘ona vodiysi viloyatlarida +1…+6 daraja, qolgan barcha hududlarda +7 darajagacha iliq bo‘lishi kutilmoqda.
Payshanba kuni kunduzi mamlakatning tog‘li joylari, Qoraqalpog‘iston Respublikasi va Xorazm viloyatida havo harorati +5…+10 daraja, Farg‘ona vodiysi viloyatlari va Toshkent shahrida +10…+15 daraja, Qashqadaryo va Surxondaryo viloyatlarida +15…+20 daraja, qolgan barcha hududlarda +18 darajagacha iliq bo‘lishi kutilmoqda.
“O‘zgidromet” axborotiga ko‘ra, 27-oktabrga o‘tar kechasi va 27-oktabr kuni kunduzi Qoraqalpog‘iston Respublikasi, Xorazm, Buxoro, Navoiy viloyatlarida shamolning tezligi soniyasiga 15—20 metrgacha kuchayishi mumkin, Qoraqalpog‘iston va Xorazmning ayrim hududlarida yomg‘ir yog‘ishi ehtimoli bor.


Toshkentda 26-oktabr kuni havo harorati +10 darajagacha iliq bo‘ladi


Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo