Oktabr oxirida to‘y: Xonanda Rayhon ikkinchi marta turmushga chiqmoqda

O‘zbekistonda xizmat ko‘rsatgan artist Rayhon G‘aniyeva 29-oktabr kuni ikkinchi bor turmushga chiqadi. MyDay’ning “ishonchli manbalar”ga asoslanib xabar berishicha , Rayhonning bo‘lajak turmush o‘rtog‘i keng ommaga tanish bo‘lgan boshlovchi Farhod Alimovdir.

Foto: MyDay

“Ishonchli manbalar bergan ma’lumotga ko‘ra, nikoh va xudoyi kelayotgan shanba kuni bo‘lib o‘tadi”, — deb yozadi MyDay.
Rayhon G‘aniyevaning Yigitali Mamajonov bilan turmushidan Imron va Islom ismli egizak o‘g‘li bor. Farhod Alimovning esa Bernara, Omar va Latifa ismli uch farzandi bor.

Foto: MyDay

Ma’lumot uchun, Yigitali Mamajonov va Rayhon G‘aniyeva 2012-yil noyabrida turmush qurgan edi, 2014-yil may oyida esa juftlik o‘g‘il egizaklar ota-onasiga aylandi.
2015-yil yanvarida Rayhon ajrashishga ariza berganini e’lon qildi , 2016-yil may oyida esa aktyor va xonandaning nikohi rasman bekor qilingani ma’lum bo‘ldi .
Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo