Amerikalik blogger iPhone 6s’ni suvda qaynatdi (video)

Sotuvga chiqqan iPhone 6s va 6s Plus gadjetlari bilan turli sinovlar o‘tkazib ko‘rildi . Keyingi bosqich uni suvda qaynatib ko‘rish bo‘ldi, deb xabar beradi “Hi-Tech Mail.Ru”.

Foto: “Hi-Tech Mail.Ru”

Sinov mashhur videoblogger TechRax tomonidan amalga oshirildi. U yangi iPhone 6s’ni olib, sekundomerni ishga tushirib, smartfonni qaynab turgan suvga soldi. 10 soniyadan so‘ng devays o‘chib qoldi. Blogger uni suvdan olib, qaytadan yoqdi. iPhone 6s ishlash qobiliyatini yo‘qotmadi.
Keyingi qadam uni sekundomersiz qaynatish bo‘ldi. Qizib ketganlik haqidagi ogohlantirishdan so‘ng, u yana o‘chib qoldi. Qaytadan yoqilganda esa yana ishlab ketdi. Uni sovutish uchun blogger smartfonni muzlatgichga solib qo‘ydi.
Uchinchi qadamda smartfon besh daqiqa davomida qaynatildi. Shundan keyin ham iPhone 6s ishlashda davom etdi.


Batafsil | Подробно | Read more... Daryo