Rossiyada sotilayotgan sariyog‘ mahsulotlarining yarmi sifatsizga chiqarildi

Rossiya sifat tizimi (“Roskachestvo”) mamlakatda sotilayotgan sariyog‘ mahsulotlarining yarmi sanitariya normalari, shuningdek, boshqa majburiy talablarga javob bermasligini ma’lum qildi. “RBK”ning yozishicha , tashkilot mutaxassislari bunday xulosaga kelishdan avval Rossiya va xorijiy sariyog‘ savdo belgilaridan 64 tasini tekshirib chiqqan.

Foto: “RBK”

Tashkilot vakili Marta Galichevaning ma’lum qilishicha, faqat 18 ta savdo belgisi namunalari yuqori sifatli mahsulot bo‘lib chiqqan, yana 10 ta savdo belgisi esa barcha talablarga javob berishi aniqlangan.
14 ta namunada mahsulot tarkibi qadoqda ko‘rsatilganidan biroz farqli ekani, 8 ta ishlab chiqaruvchi esa ishlab chiqarish jarayonida suv qo‘shish yo‘li bilan sariyog‘dagi yog‘ miqdorini kamaytirgani ma’lum bo‘lgan.
Tadqiqot davomida 18 ta ishlab chiqaruvchining mahsuloti sanitariya-gigiyena normalariga javob bermasligi aniqlangan. Xususan, ularning tarkibidan xavfli bakteriya va mikroorganizmlar, jumladan, ichak tayoqchasi chiqqan.
Ayni vaqtda, Rossiyadagi “Perekryostok”, “Pyaterochka”, “Karusel” savdo tarmoqlariga egalik qiluvchi X5 Retail Group kompaniyasi matbuot xizmati mustaqil laboratoriya tomonidan aynan “Roskachestvo” tekshirgan partiya bo‘yicha sariyog‘lar tekshirib chiqilgani haqida ma’lumot bergan.
“Tekshiruvlar bayonnomasiga ko‘ra, mahsulotlar barcha talablarga javob beradi va bu ‘Roskachestvo’ tomonidan o‘tkazilgan sinov natijalari haqqoniyligini shubha ostiga olishga asos bo‘la oladi”, — deyiladi kompaniya axborotida.
Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo