Angliya Liga Kubogi. “MYu” 1/4 finalda “Vest Hem” bilan, “Arsenal” esa “Sautgempton” bilan to‘qnash keladi

Angliya Liga Kubogi nimchorak finalidan o‘rin olgan barcha o‘yinlar o‘z yakuniga yetdi va chorak final juftliklarini aniqlash uchun qur’a tashlandi.

Foto: Twitter / @SkyFootball

Mazkur musobaqada 8 marta g‘olib bo‘lib, mutlaq rekordchi bo‘lib turgan “Liverpul” chorak finalda Chempionship vakili “Lids” bilan o‘ynaydigan bo‘ldi.


Angliya Liga Kubogi. “Liverpul”, “Arsenal” va “Nyukasl” chorak finalga yo‘l oldi (video)


Angliya Liga Kubogining 4 karra sohibi “Manchester Yunayted” 1/4 finalda musobaqadan “Chelsi”ni chiqarib yuborgan “Vest Hem” bilan kuch sinashadi.


Angliya Liga Kubogi. Manchester derbisida “Yunayted” “Siti”ni, London derbisida “Vest Hem” “Chelsi”ni mag‘lub etdi (video)


Arsen Venger boshchiligida biror marta ham Liga Kubogini qo‘lga kiritmagan “Arsenal” o‘z maqsadi sari kurashda “Sautgempton” bilan yuzma-yuz keladi.
Ushbu turnirda biror marta ham g‘olib bo‘lmagan “Xall” va “Nyukasl” chorak finalda o‘zaro bahs yuritadi.
Angliya Liga Kubogi, 1/4 final juftliklari
“Liverpul” – “Lids”
“Manchester Yunayted” – “Vest Hem”
“Xall” – “Nyukasl”
“Arsenal” – “Sautgempton”
Chorak final uchrashuvlari 30-noyabrga o‘tar kechasi bo‘lib o‘tadi.
Batafsil | Подробно | Read more... Daryo