Boston metrosi yo‘lovchilari tutun ichida qolgan poyezdni oynalar orqali tark etdi (video)

AQShning Boston shahrida poyezddagi kuchli tutash natijasida besh kishi jabrlandi. “Vesti.ru” xabariga ko‘ra , tutun ichida qolgan vagonlardan chiqish uchun yo‘lovchilar metro oynalarini sindirgan.

Foto: Twitter

Yo‘lovchilarning so‘zlariga ko‘ra, ular Back Bay bekatidan yo‘lga chiqqan poyezd qattiq tutayotganiga guvoh bo‘lgan.
Poyezd harakatdan to‘xtagan. Biroq noma’lum sababga ko‘ra uning eshiklari ochilmay qolgan, yo‘lovchilar vahimaga tushgan.



Tutundan zaharlanganlarning besh nafariga hodisa joyida yordam ko‘rsatilgan, uch kishi esa shifoxonaga yotqizilgan.
Hodisadan bir necha daqiqa o‘tib, favqulodda holat yuz bergan metro yo‘nalishi bo‘ylab poyezdlar harakati qayta tiklangan.



Mahalliy ma’muriyat ma’lumotiga ko‘ra, tutun metropoyezd motorining haddan ziyod qizib ketishi natijasida paydo bo‘lgan.
Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo