Ginnesning Rekordlar kitobiga kiritilgan dunyodagi eng ziqna odam

Genriyetta Grin Ginnesning Rekordlar kitobiga dunyodagi eng ziqna odam sifatida kiritilgan, deb xabar beradi “Interesno”.

Foto: “Interesno”

Millionlar sohibasi issiq suv va isitish tizimidan foydalanmagan, o‘qib chiqqan gazetalarini sotgan, qo‘lini yuvmagan, faqat sovib qolgan suli yormasini tanovul qilgan va krandan kelayotgan suvdan ichgan.
Uning Ginnesning Rekordlar kitobiga kiritilishi bejiz emas. Har yili bir necha million dollar mablag‘ ishlab topgan ayol aql bovar qilmas darajada ziqna bo‘lgan. Grin ko‘p kiyilganligidan rangi o‘chib ketgan yagona ko‘ylagini kiyib yurgan va uning faqat yerga tegib turadigan qismini yuvgan.
Uning uyida hatto hammomda ishlatiladigan sovun ham bo‘lmagan, chunki u hech qachon yuvinmagan. Betob bo‘lib qolmaslik uchun esa doim xom piyoz chaynab yurgan. Bolalari uchun faqat singan pishiriq bo‘laklarini (arzon bo‘lganligi uchun), nonni esa eng suvi qochganini xarid qilgan.
Grinning 11 yoshli o‘g‘li Ned oyog‘idan jiddiy shikastlanganda, ayol uni tekin tibbiy xizmat ko‘rsatuvchi, kambag‘allar uchun mo‘ljallangan shifoxonaga olib borgan. Amerikaning eng boy ayolini tanib qolgan shifoxona xodimlari Nedni qabul qilishdan bosh tortgan. Operatsiyadan pul tejashga uringan Grin o‘g‘lini mustaqil davolashga harakat qilgan. Natijada Nedning oyog‘i qorasonga uchrab, kesib tashlangan.
Genriyetta Grin 1834-yildan 1916-yilgacha yashagan. XX asr boshida uning boyligi 100 dan 200 million dollargacha baholangan. Bu hozirgi kun o‘lchovida bir necha milliard deganidir.
Batafsil | Подробно | Read more... Daryo