Neymarning otasi o‘g‘li Messini deb “Barselona”da o‘ynayotganini ma’lum qildi

Futbol bo‘yicha Braziliya terma jamoasi hamda “Barselona” klubi hujumchisi Neymarning otasi uning o‘g‘li Lionel Messini deb kataloniyaliklar safida to‘p surayotganini ma’lum qildi, deb xabar bermoqda “Chempionat”.

Foto: Celebrity Inside

“Messi kim ekanini va u qanchalik muhimligini bilamiz. Neymar Messini yaxshi ko‘radi va u bilan bitta jamoada to‘p surayotganidan baxtiyor. O‘g‘lim Messi bilan birga maydonga chiqishdan mamnun va uni deb ‘Barselona’da o‘ynamoqda.
Agar Krishtianu Ronaldu va Messi bo‘lmaganida, Neymar ham bo‘lmasdi. Pele va Maradona o‘z vaqtida ko‘pchilikni ilhomlantirmaganida, boshqa futbolchilar ham bo‘lmasdi”, – dedi 24 yoshli braziliyalik futbolchining otasi Neymar Santos.
Batafsil | Подробно | Read more... Daryo