AQShdagi sud Johnson & Johnson’ga saraton bilan xastalangan ayolga 70 mln dollar to‘lash majburiyatini yukladi

AQShning Missuri shtati sudi kosmetika mahsulotlarini ishlab chiqaruvchi Johnson & Johnson shirkatiga, korporatsiya mahsulotlaridan foydalanganidan so‘ng, saraton xastaligi kuchayib ketgan ayolga 70 million dollar miqdorida kompensatsiya to‘lash majburiyatini yukladi. Bu haqda “TASS” xabar bermoqda .

Foto: “TASS”

Xabar berishlaricha, sud maslahatchilari hay’ati 2012-yili tuxumdonida saraton aniqlangan kaliforniyalik ayol — Debora Jannekkiniga 70 million dollar miqdorida kompensatsiya to‘lab berish haqidagi da’voni qanoatlantirish haqida qaror qabul qilgan.
Da’vogar tomonining so‘zlariga ko‘ra, ayol Johnson & Johnson tomonidan ishlab chiqarilgan va bolalar badaniga sepiladigan doridan uzoq vaqt davomida foydalangani uchun, unda xastalik paydo bo‘lgan.
“Biz sudning bugungi qarori ustidan shikoyat qilamiz. Biz ilmiy tadqiqotlarga asosan ish ko‘ramiz. Bu tadqiqotlarga ko‘ra, Johnson’s Baby Powder bolalar sepkisi xavfsiz hisoblanadi”, — deydi kompaniya vakili Kerol Gudrich.
Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo