Yaponiyada “Dudjuan” tayfuni tufayli aviareyslar bekor qilindi

“Dudjuan” tayfuni tufayli yapon aviakompaniyalarining kamida 96 ta ichki reysi bekor qilindi. Ular orasida All Nippon Airways kompaniyasining 40 ta reysi ham bor. Bu haqda “Korrespondent.net” xabar bermoqda .

Foto: “Deita.ru”

“Dudjuan” tayfuni shimoli-g‘arbga soatiga 20 kilometr tezlikda harakat qilmoqda, shamolning shiddati soatiga 90 kilometrni tashkil etmoqda. Tayfun ayni paytda Ryukyu arxipelagi tarkibiga kiruvchi Isigaki va Iriomote orollari oralig‘ida kuzatilmoqda.
Tayfun 28-sentabr, dushanba kechki payt shu arxipelagdagi Sakisima orollariga yaqinlashishi kutilmoqda. Metereologlar ma’lumotiga ko‘ra, bu hududda 13 metrgacha balandlikdagi to‘lqinlar, 300 millimetrgacha yog‘inlar va kuchli shamol kutilmoqda.
Batafsil | Подробно | Read more... Daryo