So‘rov natijalari Klinton va Tramp o‘rtasidagi farq 2 foizgacha qisqarganini ko‘rsatdi

AQSh prezidentligiga Demokratlar partiyasidan nomzod Hillari Klintonning raqibi Donald Trampdan o‘zib ketishi bir hafta avvalgi 12 foizdan 2 foizgacha qisqardi. ABC telekanali 29-oktabr, shanba kuni e’lon qilgan so‘rov natijalari shundan dalolat bermoqda, deya ma’lum qildi “Interfaks”.

Foto: ABC

Washington Post gazetasi bilan hamkorlikda o‘tkazilgan so‘rovga ko‘ra, hozirda Klinton uchun saylovchilarning 47, Tramp uchun esa 45 foizi ovoz berishga tayyor.
Telekanal nomzodlar o‘rtasidagi farqning keskin kamayishini saylovchilar kayfiyatidagi o‘zgarish emas, ularning saylovga kelishi bo‘yicha taxminlar o‘zgargani bilan izohladi. Avvalgi so‘rovga qaraganda saylovda qatnashishga qaror qilgan respublikachilar soni oshgan, Klinton tarafdorlari orasida bu borada sustlik kuzatilgan.
Batafsil | Подробно | Read more... Daryo