Turkiya Yevropaga otlangan muhojirlarni qabul qilish markazlarini tashkil etmaydi

Turkiya bosh vaziri Ahmet Davuto‘g‘lu uning mamlakat Turkiya hududi orqali Yevropaga yo‘l olish istagida bo‘lgan muhojirlarni qabul qilish va ro‘yxatga olish markazini tashkil etishni rejalashtirayotgani yo‘q. Bu haqda “Interfaks” xabar bermoqda .

Foto: Associated Press

Davuto‘g‘luning fikricha, bu kabi markazlar “nomaqbul” va “insoniylikka zid”. U Turkiya—Suriya chegarasida A’zaz tumanidan Jerablus tumaniga qadar xavfsizlik hududini tashkil etish g‘oyasini yana bir bor eslatib o‘tdi.
Turkiya bosh vazirining qayd etishicha, agar mazkur hududni “Iroq va Shom islom davlati” terrorchilik tashkiloti jangarilaridan tozalashning uddasidan chiqilsa, bu yerga 300 ming nafargacha suriyalik qochoqni joylashtirish mumkin.
Davuto‘g‘luning so‘zlariga ko‘ra, bu boradagi moliyaviy xarajatlarni Yevropa, bevosita xavfsiz hududni tashkil etish ishlarini esa Turkiya o‘z bo‘yniga olishi mumkin.
Batafsil | Подробно | Read more... Daryo