Stadioni ta’mirlanayotgan Qarshining “Nasaf” klubi Oliy Ligada qolgan ikki uy uchrashuvini G‘uzorda o‘tkazadi

Stadioni ta’mirlanayotgan Qarshining “Nasaf” futbol klubi Oliy Ligada qolgan ikki uy uchrashuvini G‘uzor shahrida o‘tkazadi. Bu haqda “ajdarlar” matbuot xizmati xabar bermoqda .

Foto: “Voha.uz”

Oliy Liga 28-turi doirasidagi uchrashuvda “Nasaf” Farg‘onaning “Neftchi” jamoasi bilan kuch sinashadi. “Nasaf”ga tegishli “Markaziy” stadionda rekonstruksiya ishlari olib borilayotgani sababli, bo‘lajak o‘yin G‘uzor shahrida o‘tkaziladi.
Xabarda ta’kidlanishicha, “Nasaf” – “Neftchi” uchrashuvi 4-noyabr, juma kuni “Sho‘rtan” klubiga tegishli “G‘uzor” markaziy stadionida bo‘lib o‘tadi. Uchrashuv soat 16:00 da boshlanadi.
Shuningdek, “Nasaf”ning Oliy Ligadagi oxirgi, 30-turdagi Muborakning “Mash’al” jamoasiga qarshi uchrashuvi ham G‘uzorda o‘tkaziladi.
Batafsil | Подробно | Read more... Daryo