Қозоғистоннинг Остона шаҳрида дзюдо кураши бўйича ўтказилаётган жаҳон чемпионатида 26 август куни эркаклар ўртасида -73 кг вазнда, хотин-қизлар ўртасида эса -57 кг вазн тоифасида ғолиб ва совриндорлар номи маълум бўлди, деб хабар беради «Olamsport.com».
Фото: olamsport.com
Эркаклар ўртасида бўлиб ўтган мусобақанинг ҳал қилувчи финал беллашувида дзюдо ватани — Япония вакиллари Шохей Оно ҳамда Рики Накая жаҳон чемпионатининг олтин медали учун ўзаро кураш олиб борди. Ўта муросасиз руҳда кечган баҳсда Шохей Ононинг қўли баланд келди.
Афсуски, ўзбекистонлик Шарофиддин Болтабоев ва Мирали Шарипов совриндорлар сафидан жой ола билмади. Шарипов дастлабки баҳсдаёқ хитойлик спортчига имкониятни бой берган бўлса, Болтабоев кетма-кет уч рақибини мағлубиятга учратиб, тўртинчи беллашувда Рики Накаяга имкониятни бой берди.
Хотин-қизлар ўртасида ўтказилган беллашувларда ҳам олтин медалга Япония терма жамоаси аъзоси Каори Мацумото сазовор бўлди.
Учинчи кунги мусобақалар якунларига кўра, Япония терма жамоаси 3 та олтин, 2 та кумуш ва 2 та бронза медали билан умумжамоа ҳисобида биринчи ўринда бормоқда. Иккинчи ўринни биттадан олтин ва кумуш медалга сазовор бўлган мезбонлар эгаллаб турган бўлса, Жанубий Корея терма жамоаси 1 та олтин ва 3 та бронза медали билан учинчи ўринни банд этиб турибди. Ўзбекистон терма жамоаси битта бронза медали билан 120 давлат орасида 9-ўринда боряпти.
Бугун, 27 август куни эркаклар ўртасида -81 кг вазнда, хотин-қизлар ўртасида эса -63 кг вазн тоифасида беллашувлар ўтказилади. Шу куни Ўзбекистон терма жамоаси аъзоларидан Яҳё Имомов ва Муҳайё Ибрагимова татамига чиқади.
Batafsil | Подробно | Read more... Daryo
Top News
-
Нойер: "Германия ҳар доим фаворит"
Германия терма жамоаси дарвозабони Мануэль Нойер 2024 йилги Европа чемпионати стартидаги иккита ғалабадан сўнг журналистлар билан суҳбатлашди.
-
Olimpiada oldidan kamondan otish bo‘yicha milliy jamoa sportchilari uchun fotosessiya tashkil etildi.
Asialuxe Travel tur operatori 20 iyun kuni kamondan otish bo‘yicha O‘zbekiston milliy jamoa a’zolari uchun maxsus fotosessiya tashkil etdi..
-
Xitoy – Qirg‘iziston – O‘zbekiston temiryo‘li qay tartibda moliyalashtiriladi?.
Loyihaning umumiy qiymati 4,7 mlrd dollarni tashkil etadi. Shundan 2,35 mlrd dollar ishtirokchi davlatlar tomonidan ularning loyihadagi ulushlariga...
-
-
Евро-2024. Сербия 90+5-дақиқада гол уриб, Словения билан ўйинда 1 очко ишлаб олди
Сербия терма жамоаси Евро-2024 гуруҳ босқичининг 2-турида Словения билан 1:1 ҳисобида дуранг ўйнади.
-
BMT: Isroil G‘azoda tinch aholini yetarlicha himoya qilmayapti.
BMT hisobotida aytilishicha, G‘azo sektorining pala-partish va nomutanosib tarzda bombardimon qilinishi urush jinoyatiga teng bo‘lishi mumkin....