Facebook kompaniyasi Snapchat’ning Osiyodagi muqobilini sotib ololmadi

Facebook kompaniyasi Snapchat’ning Osiyodagi muqobilini sotib olishga urindi, biroq dastur mualliflaridan rad javobini oldi. Bu haqda “Interfaks” xabar bermoqda .

Foto: TechCrunch

Snow nomli mobil dastur bir yil avval paydo bo‘lgan edi. U xuddi Snapchat singari foydalanuvchilarga turli filtrlar va niqoblarni taklif qiladi.
Hozirgi vaqtda bu mobil dastur 80 million marta yuklab olingan. Bu raqam har oy 10 millionga oshib bormoqda.
Mobil dastur egasi — Janubiy Koreyaning Naver kompaniyasi shu vaqtgacha o‘z mahsulotini sotish bo‘yicha bir necha taklif olgan.
Biroq Yaponiya, Xitoy va Koreyada Snow’ning nufuzi oshib borayotganini hisobga olib, barcha xaridorlarga, xususan, Facebook rahbari Mark Sukerbergga ham rad javobini bergan.
The Guardian nashri hisob-kitobiga ko‘ra, bu Facebook’ning Snapchat auditoriyasini qo‘lga kiritish yo‘lidagi o‘ninchi urinishidir.
Facebook 2013-yili Snapchat’ning o‘zini 3 milliard dollarga sotib olmoqchi bo‘lgan, biroq Snapchat’ning bosh direktori Evan Shpigel bu taklifni rad etgan.
Hozir Snapchat’ning qiymati 18 milliard dollarga teng. Facebook’ning o‘z Snapchat’ini yaratish yo‘lidagi barcha urinishlari hozircha besamar ketgan.
Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo