15-noyabrda “Zakovat” Respublika festivali bo‘lib o‘tadi

Joriy yilning 15-noyabr, yakshanba kuni “Zakovat” intellektual klubi tomonidan navbat bo‘yicha X Respublika festivali o‘tkazilishi rejalashtirilmoqda. Bu haqida “Zakovat” Intellektual klubining rasmiy saytiga tayanib, Xushnudbek Xudoyberdiyev o‘z blogida xabar qildi .

Foto: “Zakovat”

Ushbu festivalda Respublikaning barcha hududlaridan jamoalar ishtirok etishi mumkin. Festivalda ishtirok etish istagini bildirgan jamoalar tashkiliy qo‘mitaga o‘z arizasini topshirishi lozim.
Festivalda dastlabki uchta o‘rinni qo‘lga kiritgan jamoalar ekran orqali bo‘lib o‘tadigan saralash bahslarida qatnashish huquqiga ega bo‘ladi.
Shuningdek, kuchli uchlikka kira olmagan Qoraqalpog‘iston Respublikasi hamda viloyatlardan ishtirok etayotgan jamoalar orasida eng yaxshi natija ko‘rsatgan bir jamoa ham egallagan o‘rnidan qat’i nazar ekran o‘yinlarida ishtirok etish huquqini qo‘lga kiritadi.
Shunday qilib, festivalda jami 4 ta jamoa ekran o‘yinlariga yo‘llanma oladi.
Turnir 1 bosqichda o‘tkazilib, 60 ta savol o‘ynaladi.
Festival Toshkent shahri Yunusobod tumanida joylashgan “Tanovor sadosi” restoranida o‘tkaziladi (mo‘ljal: “Zenit” zavodi orqa tomonida).
Batafsil | Подробно | Read more... Daryo