Eron prezidenti AQShni terrorchilikda aybladi va yadro bitimini ma’qulladi

Eron prezidenti Hasan Ruhoniy BMT Bosh Assambleyasidagi nutqini Makkadagi tiqilinch chog‘ida ziyoratchilar o‘limiga yo‘l qo‘ygan Ar-Riyodga qaratilgan tanqid bilan boshladi. Eron prezidentining chiqishi BMTning YouTube’dagi kanaliga joylandi.

Foto: “Unmultimedia.org”

Ruhoniy AQShni terrorchilik siyosatida aybladi — Eron yetakchisi Amerikaning Iroq va Afg‘onistonga bostirib borishini, Falastin xalqiga jabr-zulm qiladigan sionistik rejimni qo‘llab-quvvatlashini aynan shunday ta’rifladi.
Atom bo‘yicha yakuniy bitimni Eron prezidenti Yaqin Sharqqa tinchlik va barqarorlik keltirgan “urush ustidan g‘alaba” deb atadi.
Avvalroq Eron prezidenti Hasan Ruhoniy Makkadagi haj ziyorati chog‘ida Eron fuqarolari halok bo‘lgani tufayli, o‘zining BMT Bosh assambleyasiga tashrifini to‘xtatib, Tehronga qaytishi xabar berilgan edi . Halok bo‘lgan ziyoratchilarning jasadlari ortilgan birinchi samolyot Tehronga 29-sentabr kuni yetib keladi, shu tufayli Ruhoniy AQShni bir kun avval tark etadi.
Makkadagi tiqilinch natijasida jami 769 kishi qurbon bo‘lgan . Ulardan 169 nafari eronliklardir. Shuningdek, yana mamlakatning 300 ga yaqin fuqarosi bedarak yo‘qolgan deb e’lon qilingan.
Batafsil | Подробно | Read more... Daryo