Janubiy Koreya prezidentining dugonasini o‘ldirmoqchi bo‘lgan erkak prokuraturaga ekskavatorda keldi

O‘rta yoshlardagi erkak Seulning Sochxo-don prokuraturasi binosiga ekskavator bilan bosib bordi. “TASS” xabariga ko‘ra , Janubiy Koreya prezidenti Pak Kin Xening dugonasi, yirik korrupsiya mojarosining asosiy ishtirokchisi sifatida ko‘rilayotgan Chxve Sun Silni o‘ldirish niyatida bo‘lgan tartibbuzar politsiya tomonidan hibsga olingan.

Foto: “TASS”

“Hibsga olingan shaxsning ma’lum qilishicha, u bu yerga Chxve Sun Sulni o‘ldirish uchun kelgan”, — dedi jurnalistlarga huquqni muhofaza qilish organlaridagi manba.
Politsiya axborotiga ko‘ra, tartibbuzar prokuratura binosiga kirishdagi shlagbaumni buzib, so‘ng bino devoriga borib urilgan. Uni to‘xtatib qolishga urinib, gaz to‘pponchasidan ikki marta o‘q uzgan qo‘riqchi jiddiy jarohat olgan. Prezidentning dugonasi esa hali ham tergov hibsxonasida saqlanmoqda.
Seul prokuraturasi dushanba kuni mamlakat prezidentining dugonasi Chxve Sun Silni hibsga oldi. U prezidentlik hokimiyatini suiiste’mol qilish ishining asosiy ishtirokchilaridan biri bo‘lib turibdi. U so‘roq vaqtida o‘ziga qo‘yilgan qator ayblovlarni, xususan, jamoatchilik jamg‘armalari pullarini qonunga zid sarflaganligini rad etdi.
Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo